كلام للبنات فقط

موضوع: كلام للبنات فقط 2011-09-14, 5:38 am

دلوقتي الموضوع دة عبارة عن دردشة بنات**

بنطرح كل فترة فكرة او موضوع اجتماعى، نفسى، بناتى، اسري،.....

بيهم البنات ونناقشه سوا وندردش فيه مع بعض ونتبادل الافكار

والموضوع للبنات وبس وتمنع مشاركة اى ولد بالموضوع

لان المواضيع تخص البنات وبس

منتظرين رأى احلى بنات بالموضوع

وطبعا لو فيه مواضيع تحبوا تعرضوها او نتناقش فيها طبعا تكتبوا الموضوع هنا وان شاء الله نعرف رأيكم كلكم

ويا ريت كل عضوة قمراية معانا تكتب بتوقيعها

يا رب الفكرة تعجبكم ويا رب كلكم تشاركوا يا اعسل بنـات

وموضوع الفترة دي عن::

*^صداقة الولاد والبنات داخل الجامعة او في المدارس أو على الشات*^

ايه رأيكم في الموضوع دة من كل الزوايا؟؟

الدينية ، الاخلاقية والاجتماعية

هل دى حاجة صحية من وجهة نظركم

ولا شئ غلط لازم ينتهي

نظرتك لبنت واقفة من ولاد ف الكلية او المدرسة او حتى ف الشارع

تفتكري الولد الى بتكلمه على شات او ف الشارع او ف الدرسة او الكلية نظرته ليها ايه؟؟

بيحترمها؟

مقتنع اصلا من جواه انه فيه حاجة اسمها صداقة بينها وبينه ولا عارف انه غلط وبيتسلى؟؟

هل فعلا فيه صداقة من وجهة نظرك بين البنت والولد؟؟

وايه حدودها؟

لو انتى طالبة ف الكلية او قاعدة ف ساعة صفا وجه واحد يتكلم معاكى ويفتح حوارات وعايز تبقوا اصحاب بكل صراحة ايه موقفك؟؟

بتعتبري كلام البنات والولاد ف الكلية والمدرسة شئ عادي وطبيعي ولا بتستحرميه؟؟

منتظرين ارائكم كلكم ف الموضوع يا احلى بنات

ويا رب موضوع الفترة دى يعجبكم

شكرااااااااااا ليكم

» بالفيديو ... كلام رائع ومهم لكل من يبحث عن الرزق !!